حكايتنا مع رمضان لسه مكملة

الفصل ده من الحكاية جميل أوي

القمصان أو الڨيستات دي لما بنشوفها بتبقي مصدر سعادة وطاقة إيجابية ملهاش حدود

لما بنقول ڨيستاااااات اعرف إن فيه مهمة جديدة للأبطال علي طول

إعرف إن فيه خير جاي مش مهم إن كان كتير أو قليل إنما فيه خير جاي والكل لازم يستعد له

كل واحد مننا عارف طريق الڨيست بتاعه وبيعامله معاملة لبس العيد بالظبط

حتي الأطفال عندنا أبطال بيزعلوا أوي لو ملقوش الڨيست بتاعهم ولو ملقوش مقاسهم بياخد المتاح مش مهم المهم انه يشارك إخواته وأصحابه اللي اتعرف عليهم في أسرتنا الجميلة دي ويحس إنه بيعمل حاجة بتفرحه ويفتخر بيها وسط أصحابه وزمايله

عندنا حتي الأطفال قبل الكبار بيتسابقوا علي الخير وهي دي رسالتنا

نربي جيل جديد طالع بيحب الخير وبيفرح لما يشوف غيره فرحان

حكاياتنا مع رمضان لسه مخلصتش ولسه فيه حكايات كتير اوي وخير عظيم كل يوم في شهر الخير إن شاء الله

فاللهم بلغنا رمضان